“Говийн чоно-2019” олон улсын сургалтын эргэн тойронд санал солилцов

Онцгой байдлын ерөнхий газраас АНУ-аас Монгол Улсад суугаа Элчин сайдын яам, Энэтхэг, Номхон далайн цэргийн командлалтайхамтран “Говийн чоно-2019” гамшгийн хор уршгийг арилгах олон улсын сургалт, дадлага сургуулийг ирэх 09 дүгээр сарын 09-21-ний өдрүүдэд Дорноговь аймагт зохион байгуулахаар бэлтгэлийг ханган ажиллаж байна.

~”Говийн чоно-2019″ олон улсын сургалтын эргэн тойронд санал солилцов~

Бэлтгэл ажлыг хангах ажлын хүрээнд ОБЕГ, АНУ-ын Цэргийн атташе болон холбогдох албаны төлөөллүүдийн уулзаж, сургалт дадлагын хүрээнд зохион байгуулагдах үйл ажиллагааны талаар санал солилцоо.

Энэ жил “Говийн чоно” олон улсын сургалт, дадлагыг Өмнөд бүсийн Онцгой байдлын газруудыг хамруулан танхимын сургалт болон болзошгүй гамшгийн хор уршгийг арилгах чиглэлээр бодит нөхцөл байдлыг дуурайлган үзүүлэх дадлага сургууль гэсэн хоёр үе шаттайгаар зохион байгуулах юм гэж Онцгой байдлын ерөнхий газраас мэдээллээ.

Сэтгэгдэл үлдээх