Хятадын Элчин сайдыг хүлээн авч уулзлаа

Гадаад харилцааны дэд сайд Б.Батцэцэг БНХАУ-аас Монгол Улсад суугаа Онц бөгөөд Бүрэн Эрхт Элчин сайд Шин Хайманыг өөрийнх нь хүсэлтээр хүлээн авч уулзав.

Уулзалтын үеэр НҮБ-ын Аюулгүйн зөвлөлийн шинэчлэл, Хүний эрхийн зөвлөлийн чуулган, Арьс өнгөөр ялгаварлан гадуурхах явдалтай тэмцэх конвенцийн хорооны гишүүдийн сонгууль зэрэг хоёр улсын НҮБ-ын хүрээний хамтын ажиллагааны зарим асуудлын талаар санал солилцов.

~Хятадын Элчин сайдыг хүлээн авч уулзлаа~

Мөн үеэр дэд сайд Б.Батцэцэг тэргүүтэй төлөөлөгчдийн энэ сарын 14-18-ны өдрүүдэд БНХАУ-ын Бээжин хот, Шинжаан-Уйгурын болон Өвөр Монголын Өөртөө Засах орнуудад хийсэн айлчлалын мөрөөр авах арга хэмжээ, хоёр орны консулын харилцааны зарим асуудлыг хөндөж ярилцлаа.

Сэтгэгдэл үлдээх