Элчин сайд Д.Даваа ОХУ-ын “Газпром” ХНН-ийн удирдлагатай ЦАХИМ уулзалт хийв

Монгол Улсын Ерөнхий сайдын ОХУ-д хийсэн албан ёсны айлчлалын хүрээнд 2019 оны 12 дугаар сарын 5-ны өдөр Сочи хотноо Монгол Улсын Засгийн газар болон ОХУ-ын “Газпром” нээлттэй хувьцаат нийгэмлэг хооронд байгуулсан Харилцан ойлголцлын санамж бичгийн дагуу хэрэгжиж буй ОХУ-аас БНХАУ руу байгалийн хий дамжуулах хоолойг Монгол Улсын нутаг дэвсгэрээр дамжуулан барих төслийн ажлыг судлах ажлыг урагшлуулах, бэлтгэлийг ханган ажлын хүрээнд Монгол Улсаас ОХУ-д суугаа Элчин сайд Д.Даваа 2020 оны 4 дүгээр сарын 30-ны өдөр ОХУ-ын “Газпром” НХН-ийн удирдлагатай видео уулзалт хийв.

Уулзалтад төслийн ажлыг судлах Ажлын хэсгийн оросын талын орлогч дарга В.Г.Никитин, “Газпром” НХН-ийн Удирдах зөвлөлийн орлогч даргын зөвлөх С.В.Дзюба, “Газпром” НХН-ийн Гадаад худалдаа, эдийн засгийн асуудал хариуцсан 512 дугаар газрын дарга Д.В.Хандог болон тус газрын холбогдох ажилтнууд болон ЭСЯ-ны худалдаа, эдийн засгийн асуудал эрхэлсэн ажилтнууд оролцов.

~Элчин сайд Д.Даваа ОХУ-ын “Газпром” ХНН-ийн удирдлагатай ЦАХИМ уулзалт хийв~

Видео уулзалтын хүрээнд энэхүү төслийн ТЭЗҮ боловсруулах ажлыг эхлүүлэхэд шаардлагатай ажлуудыг идэвхжүүлэх үүднээс авч хэрэгжүүлээд байгаа арга хэмжээ, эрх зүйн баримт бичиг байгуулах явцын талаар хоёр тал санал солилцож, хоёр улсын эдийн засгийн хамтын ажиллагааны бодит тод жишээ болох тус төслийн хамтарсан судалгааны шатны ажлыг цаашид эрчимжүүлэхээр тохиролцов.

Сэтгэгдэл үлдээх